Udala

Udala

Alkatearen agurra

Herritar eta lagunok, ongi etorri Zaratamoko Udalaren web orrialde berriztatu honetara.

Alkatea

Erronka handia izan zen aurreko legealdian, ia web orrialderik ez izatetik izatera, eta zailagoa dena, oraindik, eguneratuta edukitzea. Baina, teknologia berrien garapenaren abiadura izugarria da, zorabiatze modukoa. Beraz, ezarritako erritmo horretara egokitu ezik, tresna zaharkitu eta erabilgaitza bihurtzen da. Hori dela eta, ezinbestekoa izan da, une honetan, atari hau udalerriaren eskakizun eta beharrizanetara egokitzea.

Erronka berri honetan, web orrialdearen irudi atseginago bat gardentasunaren alde jokatzen duen informazioa eskuratzeko hobekuntzarekin elkartu nahi izan dugu. Gure ustez, zalantzarik gabe, udal zabalago eta gardenago batek herritarren parte hartzea sustatzen du udalerriko bizitza sozial eta kulturalean.

Web orrialdean Zaratamo Zabaltzen plataforma ezartzeak, udalerriko bizitzan parte hartzeko tresna jartzen du eskura, udal-kudeaketari buruzko informazio garrantzitsua jasotzen duen gardentasunerako gunea finkatzen baitu. Bestalde, alkatearekin elkarrizketa birtualak izateko aukera ere ematen du.

Beste aukera interesgarri bat ere eskaintzen du plataforma horrek: app bat jaistea dohainik eskuko telefonora. Horren bidez, Udalak sortzen duen informazioa jaso ahal izango da telefonoan bertan, eta, era berean, udalari gorabeherak jakinarazi ahalko zaizkio, hala nola, matxurak, hutsuneak, kateak, eta abar.

Horrela, bada, informazioa, gardentasuna eta parte hartzea dira gure ekimenaren erronka nagusiak, eta zuokin guztiokin partekatu nahi ditugu. Animatzen zaituztegu, bada, Zaratamoko herritarron ELKARBIZITZA ETA BIZI KALITATEA HOBETZEKO helburua duen proiektu honetan parte hartzera.

Zuen esanetara, agur bero bat.

Jon Ajuria Fisure
ZARATAMOKO ALKATEA